Кімнен не қалған? | DEGDAR

Кімнен не қалған?

11w-962

Сабырлық кімнен қалған?

– Аюп пайғамбардан.

– Шүкірлік кімнен қалған?

– Дәуіт пайғамбардан.

Даналық кімнен қалған?

– Ұлықпан хәкімнен.

Ғалымдық кімнен қалған?

– Қызыр пайғамбардан.

Сопылық кімнен қалған?

– Ыдырыс пайғамбардан.

Шәкірттік кімнен қалған?

– Мұса пайғамбардан.

Кедейлік кімнен қалған?

– Жақия пайғамбардан.

Кәсіп кімнен қалған?

– Адам атадан.

Ұсталық кімнен қалған?

– Дәуіт пайғамбардан.

Шипагерлік кімнен қалған?

– Ұлықпан хәкімнен.

Аспаздық кімнен қалған?

– Адам атадан.

Жомарттық кімнен қалған?

– Атымтайдан

Амандық кімнен қалған?

– Ғайып ерен қырық шілтеннен.

Батырлық кімнен қалған?

– Әзіреті Әлиден.

Әділдік кімнен қалған?

– Мұхамбет пайғамбардан.

Жауыздық кімнен қалған?

– Перғауыннан.

Сараңдық кімнен қалған?

– Қарынбайдан.

Патшалық кімнен қалған?

– Сүлейменнен.

Түс жору кімнен қалған?

– Жүсіп пайғамбардан.

Тәубешілдік кімнен қалған?

– Жүніс пайғамбардан.

Батагөйлік кімнен қалған?

– Нұх пайғамбардан.

Тақуалық кімнен қалған?

– Мұхамбет пайғамбардан.

Береке кімнен қалған?

– Ыбырайым пайғамбардан.

Мереке кімнен қалған?

– Нұх пайғамбардан.

Саятшылық кімнен қалған?

– Адам атадан.

Тоқымашылық кімнен қалған?

– Шиш пайғамбардан.

Сұлулық кімнен қалған?

– Жүсіп пайғамбардан.

– Разылық кімнен қалған?

– Смағұл пайғамбардан.

Тәкаппарлық кімнен қалған?

– Ібілістен.

Кісі өлтіру кімнен қалған?

– Қабылдан.

 

 

Пірді біл, санаңа іл!

 

Жылқының пірі кім?

– Қамбар ата.

Түйенің пірі кім?

– Ойсыл қара.

Сиырдың пірі кім?

– Зеңгі баба.

Қойдың пірі кім?

– Шопан ата.

Ешкінің пірі кім?

– Секшек ата.

Батырдың пірі кім?

– Ғайып ерен, қырық шілтен.

Теміршінің пірі кім?

– Ер Дәуіт.

Ағаш ұстасының пірі кім?

– Нұх пайғамбар.

Білімпаздың пірі кім?

– Ыдырыс пайғамбар.

Кемешінің пірі кім?

– Ілияс пайғамбар.

— Жолаушының пірі кім?

– Қызыр баба.

Ғашықтардың пірі кім?

– Ләйлі – Мәжнүн.

Ырыстың пірі кім?

– Қызыр баба.

Етікшінің пірі кім?

– Сәді ата.

Орақшының пірі кім?

– Дихан ата.

Желдің пірі кім?

– Мірқайдар ата

Жаңбырдың пірі кім?

– Борық ата.

Жарлының пірі кім?

– Қалтаң ата.

Ұрының пірі кім?

– Жалтаң ата.

Кәрінің пірі кім?

– Кекшіл ата.

Ісмердің пірі кім?

– Тепшім ата.

Ошақтың пірі кім?

– Ұмай ана.

Қасапшының пірі кім?

– Сәдуақас ата.

Кеселдің пірі кім?

– Ыңқыл ата.

Күншілдің пірі кім?

– Күңкіл ата.

Тәкаппардың пірі кім?

– Ібіліс малғұн.

Наубайшының пірі кім?

– Ескендір Зұлқарнайын.

Балықшылардың пірі кім?

– Жүніс пайғамбар.

Шаштараздың пірі кім?

– Арыстан бап.

Бау-бақшаның пірі кім?

– Бағбан ата.

– Орман-тоғайдың пірі кім?

– Мизам ата.

Түйешінің пірі кім?

– Салық пайғамбар.

Дәруіштердің пірі кім?

– Ғайса пайғамбар.

Сараңның пірі кім?

– Қарынбай.

Жомарттың пірі кім?

– Атымтай

Тоқымашының пірі кім?

– Шиш пайғамбар.

Тәуіптің пірі кім?

– Ұлықпан хәкім.

Саятшының пірі кім?

– Адам ата.

Шешеннің пірі кім?

– Майқы би.

Әділдіктің пірі кім?

– Мұхамбет пайғамбар.

Патшаның пірі кім?

– Тақ Сүлеймен.

Түркінің пірі кім?

– Әзірет Сұлтан.

Ер-азаматтың пірі кім?

– Әзіреті Әли.

– Тарыққанның пірі кім?

– Сұлтан Үпі (Хубби сұлтан).

Қыз-келіншектің пірі кім?

– Бибі Бәтима.

 

 

 

 

 

 

Пікір жазу

Ваш e-mail не будет опубликован. Обязательные поля помечены *

Меню Меню