Сұрақ-жауап дәстүрі — 2

10685569_749510601822546_5168836118271068806_n

Әлеуметтанушы ғалымдардың пікірінше, киелі құндылықтарды игермеген бала өскен кезде әртүрлі діни ағымдардың жетегіне еріп кетеді. Елін сүймейтін нигилиске айналады. Салт-дәстүрін менсінбейді. Демек, бұл сұрақ-жауаптар бала үшін рухани иммунитет тәрізді. Осы арқылы сәбидің бойында ұлы тұлғаларға, қасиетті заттарға, ата-тегіне, тарихына деген құрметі оянады. Ертеректе «қырық сұрақ», «жетпіс сұрақ», «мың сұрақ», т.б. нұсқалар қолжазба түрінде немесе ауызша кеңінен таралған. Теология ғылымдарының докторы Досай Кенжетай «Бұл сұрақ-жауаптар ұлттың болмысын анықтайтын көрсеткіш» дейді.
Мына сұрақ-жауап түрі, әсіресе, Маңғыстау өңірінде кең тараған.
– Басыңда не бар?
– Тәж-дәулет.
– Құлағыңда не бар?
– Азан-қаумет.
– Көзіңде не бар?
– Нұр-Мұхамбет.
– Қасыңда не бар?
– Кәләмі Құдірет.
– Маңдайыңда не бар?
– Сәжде-ғибадат.
– Мұрныңда не бар?
– Ырзық-жәннат.
– Аузыңда не бар?
– Кәләм-шаһадат.
– Тілегіңде не бар?
– Дидар-талап.
– Жүрегіңде не бар?
– Зікір-салауат.
– Рухыңда не бар?
– Ақыл-парасат.
– Нәпсіңде не бар?
– Сабыр-қанағат.
– Ойыңда не бар?
– Алла тәбәрәк.
– Бойыңда не бар?
– Мейір-махаббат.
– Кеудеңде не бар?
– Жан-аманат.
– Мойныңда не бар?
– Парыз-сүндет, уәжіп
– Пешенеңде не бар?
– Тағдыр-қиямет.
– Жүзіңде не бар?
– Иба-әдеп.
– Қалыбыңда не бар?
– Иман-әдет.
– Иығыңда не бар?
– Қос періште – ой-берекет.
– Беліңде не бар?
– Кемер-қуат.
– Тізеңде не бар?
– Ізет-құрмет.
– Қолыңда не бар?
– Қайыр-сахауат.
– Аяғыңда не бар?
– Жол-шариғат.
– Алдыңда не бар?
– Ақ құбылам – пір-тарихат.
– Мақсатыңда не бар?
– Дүр-хақиқат!

Пікір жазу

Ваш e-mail не будет опубликован. Обязательные поля помечены *

Меню Меню